Lajistis nan peyi Repiblik Dominikèn akize Alexis Medina, frè ansyen prezidan peyi a, Danilo Medina, nan koripsyon 4 milya peso kontra li siyen ak leta dominiken.
Daprè dokiman yo, pi gran benifisyè operasyon sa yo se, Domedikal Supply SRL, ki pral sibi yon ankèt espesyal pou koripsyon administratif, pou yon akò iregilye li te siyen ak ministè sante piblik, sòti 2012 pou rive 2016. Sosyete sa te resevwa 2 657 174, 736 peso dominiken, menm jan ak sante piblik, ministè finans, enstiti nasyonal tabak ak biwo enjenyè kontwol travay piblik, daprè jounal dominiken yo.
Ankèt sa montre tou, Alexis Medina vann 220 milyon peso gaz ak polis dominiken. Gen pi piti 4 antrepriz ki enplike nan kontra sa yo.
Akexis Medina ak tout sè li Carmen Magalys Medina Sanchez, nan detansyon depi dimanch 29 novanm nan. Prokirè espesyal sou dosye sa akize yo de koripsyon administratif (Pepca), yo fè pati yon rezo koripsyon pandan tout manda Danilo Médina a sòti 2012 rive 2020.
Jeff Jean Joseph
