Direktè Jeneral Lapolis la twouve l nan peyi Kenya daprè enfòmasyon enstitisyon polis kenyàn nan bay sou kont X li. Pandan vizit 3 jou sa a, chèf Polis la ap gen pou fè divès rankont ak otorite yo nan vil Nairobi sou sekirite. Daprè nòt sa a, Frantz Elbé deja chita pale ak Enspektè Jeneral adjwen administrasyon polis Kenya a ki se Noor Gabow.
Vwayaj sa a fèt nan moman kote gen gwo planifikasyon k ap fèt bò kote peyi Kenya pou rive pran tèt fòs miltinasyonal k ap vin debake nan peyi d Ayiti nan kòmansman lane 2024 la.
