Ant 200 a 400 milyon dola ameriken chak ane se kantite lajan sa a Etazini anonse y ap bezwen pou yo depanse pou fòs miltinasyonal k ap gen pou vini an Ayiti a. Se Tod Robinson, Asistan Sekretè d Eta ameriken an ki fè deklarasyon sa a nan mikwo Miami Herald pandan li di yo prale an kwazad bò kote lòt peyi pou yo jwenn kòb sa a.
Volim lajan sa yo, daprè kèk sitwayen avize, t ap ka ranfòse Lapolis ak Lame a an Ayiti e kreye kondisyon materyèl kòrèk pou mete yon bon sistèm sekirite sou pye nan peyi a. Pa rapò ak lajan sa a yo y ap chache a, èske militè yo ap vini ane sa a? Yon dosye n ap swiv.
