Ansyen prezidan ameriken an, Donald Trump nan vizè lajistis Manhattan pou yon zafè 130 mil dola li dwe vèse bay yon aktris pònografik ki rele Stormy Daniels. Se premye fwa nan listwa Etazini pou lajistis enkilpe yon prezidan ki pa an fonksyon. Donald Trump deja trete desizyon Pwokirè Manhattan nan, Alvin Bragg pran an de pèsekisyon politik. Daprè medya ameriken yo, se plis pase 30 chèf akizasyon 45e prezidan ameriken an genyen kont li.
Pwochèn etap la pou milyadè ameriken an, li gen pou l prezante l devan lajistis nan New-York nan kòmansman semèn k ap vin la a. Si l pa ale, gen posiblite pou yo arete l nan Eta Florid kote l ap viv la e antre New-York avèk li daprè medya ameriken yo.
