Anpil dominiken pa dakò ayisyen ilegal yo jwi kèk privilèj lakay yo. Daprè yon etid, 69% dominiken pa dakò pou imigran ayisyen revandike dwa yo. Enstiti Rechèch Sosyal pou Devlopman fè konnen, 45% dominiken opoze ak lide ki fè kwè ayisyen dwe jwenn sèvis sosyal tankou swen sante, edikasyon ak lojman. Yon lòt bò, gen 23% ki dakò. Anplis de sa, gen 37% ki pa dakò pou gouvènman dominiken an bay pèmi travay ak a ayisyen ki san papye pandan 33% akspete ak sa.
Nan menm ankèt sa a, 70% dominiken konsidere majorite ayisyen k ap travay lòtbò a se travay blan kreyòl yo pa vle fè y al fè alòske, 28% di etranje sa yo anpeche yo jwenn travay nan pwòp peyi yo a.
