“Mwen pa gen okenn rapò ak DCPJ, gen yon jij enstriksyon se li m ap tann. An 2021, DCPJ te sòti yon rapò, non m te ladan l e an 2022 jij la te rele m”, pawòl doktè Harisson Ernest aprè non l fin sòti jodi a nan rapò DCPJ voye bay jij Voltaire a. Doktè Harisson kontinye pou l di se pèsekisyon politik k ap fèt pou detwi yon jenn gason tankou l ki gen pati politik “Konstwi Lavi” e jete diskredi sou karyè kòm sikyat.
Se deja yon premye reyaksyon sou lis sa a DCPJ mete deyò nan kad dezyèm rapò li a ki gen 36 paj kote li pale de otopsi kadav defen prezidan Jovenel Moïse la. Antouka Harisson Ernest di se ak jij enstriktè a li an afè men pa ak DCPJ.
