Office of Foreign Assets Control (OFAC) ki anndan Depatman Trezò Ameriken anonse mèkredi 5 avril 2023 a, li sanksyone ansyen prezidan chanm depite ayisyen an, Gary Bodeau pou kòripsyon. « Kèk fonksyonè tankou Gary Bodeau kreye anviwonnman ki pèmèt gang yo ak patizan yo ogmante zak vyolans yo nan peyi a », pawòl Brian E. Nelson ki se Sou Sekretè d Eta Trezò k ap jere zafè teworis ak ransèyman finansye nan yon kominike.
Daprè OFAC, Gary Bodeau sanksyone paske l patisipe nan zak kòripsyon, detounman lajan Leta, podven ak lòt demach malonèt li fè pou l kapab anrichi pwòp tèt li nan peyi a.
