PNH la anonse li fouke 2 gran kidnapè ki se an menm tan alye chèf gang Kraze Baryè a ki se Vithel’Homme Innocent. Lapolis arete David Joseph li akize kòm moun ki te kidnape Jean Franklin 7 oktòb 2022, touye madanm li epi mete dife sou li anndan kay la. Fredler Gay li menm, arete paske l te kidnape Demane St Félix, touye l epi al jete kadav la Wanament.
Bouwo sa yo komèt anpil anpil krim nan peyi a sitou nan zòn Taba ak Tòsèl. Jiskaprezan, yo nan DCPJ ap reponn kesyon annatandan yo voye yo jwenn lajistis.
