Depi wikenn pase a, daprè enfòmasyon komisè Jean Ernest Muscadin bay, Bout Ba ak 6 lòt zèfèyis parèy li ta twouve yo nan depatman Sid la, espesyalman nan komin Pòsali. Selon deklarasyon komisè a, towo sa a ale nan antèman yon sèten Wilner Salomon e se Charles Didier Saint Juste ki mennen Bout Ba desann nan yon otèl nan Pòsali. Komisè a mande tout resous polisyè nan depatman bare anwo, bare anba pou trake zèfèyis yo.
Se nan yon anbilans yo ale ak malfèktè yo Pòsali. Ayè lendi 11 desanm nan, pandan lannwit, te gen anpil tire ant komisè a ak bandi sa yo, toujou daprè detay li rive bay laprès.
