Ensekirite a kontinye fè raj nan peyi a. Sivil tankou polisye pa epanye anba men bandi ak zam ki pa sispann deside kilè yon moun dwe viv ou mouri. Bandi ak zam touye Chino Raphaël, yon ajan 1 ki fè pati 26èm pwomosyon nan lapolis la.
Polisye ajan 1 an tonbe anba bal bandi nan kafou Marasa, yon ti lokalite nan komin Kwadèboukè aswè jedi 10 desanm 2020 an. Bandi yo pran motosiklèt li te sou li a, yo ale avèl.
Sitiyasyon sekiritè a kontinye dejenere pi plis chak jou, yon sitiyasyon ki ta dwe fwete ògey konsèy siperyè polis nasyonal la pou ta mete yon fren nan sa.
Jeff Jean Joseph
