Bandi ame ki fè pati gwoup gang Ti Makak ap dirije nan Laboul 12 fenk mennen yon atak sou Taraz nan kòmansman sware 18 novanm nan. Daprè enfòmasyon ki disponib, mesye yo mete dife nan klèb la. Se Toto Bòlèt dirèkteman bandi yo sible nan atak sa a. Fòs lòd yo ap debouye pou al detounen bandi yo pou sa pa vin pi grav, daprè detay ki disponib yo.
Se tout bon batay ak Ti Makak ak Toto nan Laboul pa yon jwèt. Bandi yo gen gwo pwoblèm ak sitwayen sa a yo di ki pa vle peyizan yo gen tè anlè a. Men sa pa anpeche prèske chak atak yo fè, gen manm popilasyon sivil la ki viktim.
