Fenomèn kidnapin nan kontinye frape pòt tout kouch nan sosyete ayisyèn nan. Nan lannwit dimanch 6 mas 2022, bandi ak zam moun pa rive idantifye kidnape Roger Martin Augustin, anndan lakay li nan Klèsin, nan komin Taba. Mesye Augustin se ansyen kandida pou pòs Senatè nan Depatman Sid peyi a.
Roger Martin Augustin se yon an antreprenè ki pran gwo frap 14 dawout 2021 a aprè tè tè fin tranble byen fò Sid peyi a. Antrepriz li yo te kraze.
N ap raple fenomèn kidnapin nan pa epanye pèsonn anndan peyi a. Bandi kidnape sitwayen yo nenpòt lè, nenpòt kote. Sa tèlman rive lwen, men m anndan lakay yon moun, ou pa an sekirite.
