Kindapè yo pa chome. Sa fè yon ènyèm fwa pèsonèl sante nan peyi Dayiti sibi zak kidnapin. Ayè lendi 10 janvye nan lannwit, nèg ak zam kidnape jèn Doktè Daniel Lauré nan komin Petyonvil.
Doktè Laure Daniel ap travay nan Depatman Sant peyi a, nan komin Tomond kote l ap fè sèvis sosyal li. Doktè a te rantre Pòtoprens pou vin wè fanmi yo, pandan l genyen yon ti konje.
Rezidan nan lopital inivèsite leta a pat pran tan pou reyaji byen rapid, pou mande san fwa ni lwa yo liberasyon san kondisyon jèn Doktè a.
Rezidan yo mande leta pran responsabilite l, pou garanti sekirite chak grenn moun nan popilasyon an, nenpòt wòl, pwofesyon li ou byen orijin sosyal moun sa.
Jeff Jean Joseph
