Van ensekirite ap soufle pi rèd sou Ayiti. Bandi ak zam ki fè pati gwoup gang 400 mawozo ouvè kout bal sou yon konvwa anbasad amerikèn daprè sa anbasad la li menm konfime jounen lendi 14 novanm nan. Gen yon blese men se pa nan anplwaye pa yo. Se yon chofè ayisyen ki te nan yon machin ki te avèk yo ki sòti blese men vi l pa an danje. Malgre divès entèvansyon lapolis dènye jou sa yo, bandi ak zam yo pa chome.
Nan tout 4 kwen peyi a, zak ensekirite yo pa sispann repete. Bandi yo san pitye jiskaske menm konvwa etranje pa epanye anba atak nèg ak zam sa yo nan peyi Dayiti.
