Ariel Henry pran pòz l ap pale la a pou l chache senpati opinyon piblik la. Nan yon tweet li resi fè 5 jou aprè arestasyon zanmi l Badio, li di arestayon sa a se yon pa enpòtan nan ankèt lajistis ap mennen sou asasina Jovenel Moïse la. Ariel Henry menm felisite Lapolis ki touye bandi nan komin Pòdepè wikenn pase a, li di moun nan zòn nan kòmanse rale yon souf. Nou ta di advèsè a pran kou.
Se premye fwa Ariel Henry ap eseye bat bravo pou travay Lapolis fè, sitou an pwovens. Tout moun konprann se senpati l ap chache paske l pat ko janm swete bon zanmi l Joseph Félix Badio arete bonè konsa nan kad dosye asasina Jovenel Moïse la.
