« Nou rekonèt epi respekte dwa leta dominiken genyen pou li aplike politik migratwa li. Men kondisyon rapatriman ak detansyon konpatriyòt nou yo pa respekte dwa fondamanto ak pwosedi pwotokòl ki siyen ant 2 peyi yo.
Daprè enfòmasyon ki rive jwenn anbasad la, nan Santo Domingo ak Santiago, gen konpatriyòt ki an detansyon pami yo Kèk etidyan k ap etidye nan peyi a, kote paspò yo nan konsila Ayiti pou pwosesis viza.
Anbasad la fè konnen se avèk anpil sipriz epi enkyetid yo te wè entèvansyon ajan imigrasyon yo nan Klèb Euforia, nan moman ki te gen yon pwogwam ki t ap fèt jedi 21 an kote anpil ayisyen rive jwenn arestasyon yo a 10h30.
