Gwoup djiyadis Al-Qaïda mande patizan l yo pou touye tout moun k’ap ensilte pwofèt Mahomet, epi menase lavi prezidan fransè a Emmanuel Macron, ki pa dakò anile piblikasyon karikati Lafrans yo kont kominote mizilmàn lan.
Prezidan Macron te fè konnen Lafrans, nan non libète ekspresyon, p’ap renonse ak karikati yo, sa ki te deklanche mekontantman mizilman yo nan mond lan.
Plizyè dizèn moun nan divès peyi mizilman nan mond lan pran lari dènye jou sa yo pou manifeste kont Lafrans, pami yo 50 mil nan Blengadèch lendi a, plizyè nan pwotestatè yo t’ap brile imaj prezidan Macron ak drapo fransè a.
Pooshy Rosana
