Se yon pakèt ayisyen san papye ki t ap debouye pou antre Santiago alòske yo te sòti Dajabon. Jeep Toyota Highlander ki te pote yo a kraze avèk yo Montecristi aprè chofè a te fin pèdi fren daprè sa kèk nan yo rakonte nan jounal Listin Diario. Bilan 3 mouri sou plas e 14 lòt ale lopital. Nan sa ki ale Lopital yo genyen ki sove pou yo pa voye yo retounen Ayiti. Se responsab ministè piblik ki ranmase kadav yo jodi samdi 27 me a.
Tout viktim yo se ayisyen e yo te sòti menm kote sou fwontyè a Dajabon pou antre Santiago. Akoz kesyon ensekirite jeneralize a, anpil ayisyen janbe lakay vwazen san papye pou al bouske lavi.
