Administrasyon Trump lan fè presyon sou prezidan ayisyen an Jovenel Moïse pou fè eleksyon lejislativ yo san pran tan.
Daprè Depatman Deta ameriken an, sou sekretè Deta ameriken an David Hale pale pa telefòn avèk prezidan ayisyen an sou nesesite pou peyi Dayiti fè eleksyon lejislativ yo ki anreta, epi pou enstitisyon demokratik ayisyèn yo mete kanpe yon mekanis jiridik k ap apwopriye pou chanjman konstitisyonèl la avèk kontribisyon sosyete sivil la, pou n site Miami Herald.
Wachinnton fè apèl sila nan menm jou sekretè jeneral Òganizasyon Eta Ameriken yo (OEA), Luis Almagro, deklare sou Twitè: »li t ap bon pou kontinite enstitisyonel la si eleksyon yo fèt pa pita janvye 2021 ».
OEA te toujou di pou eleksyon yo nan peyi Dayiti fèt disi avril 2021, li chanje desizyon pou janvye aprè administrasyon Trump lan mande pou eleksyon yo tanmen pi bonè.
Pooshy Rosana
