Mackenson Tenvil, Nevel Paniague ak Jules Oslet se 3 moun Lapolis te arete nan komin Beladè nan lannwit 30 pou bout 31 jiyè 2023. Daprè fòs lòd yo, moun sa yo ta nan trafik zam alòske selon kèk notab nan zòn nan, se biznismann yo ye, sitou pou Mackenson Tenvil k ap jere yon biznis ak 2 frè l. Popilasyon an leve kanpe pou egzije liberasyon sitwayen sa yo.
Le Lapolis te debake lakay yo, li te jwenn plizyè zam ki pa gen papye. Yo te arete youn nan ajan sekirite biznis la e Mackenson Tenvil se an Repiblik Dominikèn yo t al pran l aprè l te fin chape po l, li Lopital ap pran swen jis kounye a paske yon pye l te kase.
