Bandi san fwa ni lwa kidnape Dickens Princivil, ayè dimanch 6 desanm 2020 an, aprè l te fin patisipe nan yon gradiyasyon, daprè enfòmasyon ki rive jwenn Haïti News.
Ravisè yo deja kontakte fanmi mayestro a, epi ekzije yon ranson 300 mil dola ameriken pou libere pwofesè mizik la.
Dickens Princivil se pwofesè lekòl Nasyonal dèza (ENARTS). Li se yon chantè, konpozitè, chèf òkès, pwomotè kiltirèl epi fotograf.
Fen ane sa plis pase anmè pou chak grenn ayisyen ki fè chwa rete la, oubyen ki pa gen posibilite kite peyi isit. N ap raple malgre sitiyasyon malouk sa, prezidan Jovenel Moïse pat ezite menm yon sekond pou l te mande djaspora yo rantre nan peyi a pou fen ane a.
Jeff Jean Joseph
