Pòt pawòl G9 an fanmi ak alye a, Jimmy Cherisier alyas Barbecue manke vale dlo bouch li jodi jedi 3 desanm 2020 an, aprè nèg ak zam fin atake l. Ansyen polisye a ta pral sibi atak sila ant Dèlma 12 ak Dèlma 14.
Daprè enfòmasyon ki rive jwenn Haïti News, Barbecue te gen yon bwa dwat li avèl, nan moman yon gwoup nèg ak zam te atakel. “Se nenpot 6 nèg, 4 ak gwo manch long, 2 ak 9 milimèt ki tire sou li. Se yon sòlda ki tap swiv li ki kouvri pou li. Barbecue manke mouri”, deklarasyon yon temwen sèn sila.
Nan atak sa gen 2 moun ki sòti blese, men Barbecue ki te sou yon moto pat rive touche. Toujou daprè temwen ki te sou plas, Barcebecue pèdi konesans, zam li ta pral bloke tou. “Misye te gentan fè yon sèl bal, epi li pèdi konesans. Nèg ki tire sou li yo panse l mouri, yo kouri ale”, toujou daprè menm sous la.
N ap raple depi kèk tan gwoup gang G9 la nan yon konfli ak plizyè gwoup gang ki Solino, Bèlè ak nan Maya.
Dapre premye minis Joseph Jouthe gwoup ame G9 an fanmi atake 2 patwouy Swat nan zòn Vilaj de Dye ak Gran Ravin, yon patwouy polis administratif nan Dèlma, epi atake yon Komisarya tou.
Lokatè primati a fè konnen lapolis la pran atak sa yo oserye epi ap reyaji. Joseph Jouthe mande popilasyon an rete vijilan.
Jeff Jean Joseph
