Lapolis mete anba kòd, Jean Jacques, ki gen yon antrepriz ki twouve l’ sou wout Taba a, apre yo jwenn kadav Juventha Cantave anndan antrepriz la.
Daprè avoka fanmi an, mèt antrepriz la, mesye Jacques, ta sanble apre li te fin bay Juventha travay la li t’ap mande l’ pou ta fè bagay avè l. Juventha pa dakò; li ta toufe l pou koz sa.
Nan moman an la, Jean Jacques ap reponn kesyon nan Direksyon santral polis jidisyè sou zak sa apre anpil presyon fanmi an fè sou lapolis pou te fouke l.
N ap raple Juventha fèk twouve travay sila a, malerezman se lanmò li ta pral jwenn kòm rekonpans.
Jeff Jean Joseph
