Bandi ak zam asasinen pastè Jean François ak 5 katouch nan lannwit dimanch 8 novanm 2020 an anndan lakay li nan komin Monri. Madanm pastè a ki te la nan moman dram nan resevwa 2 katouch, men li t’al rann dènye souf li sou kabann lopital ayè lendi 9 novanm nan.
Daprè enfòmasyon ki rive jwenn Haïti News, madanm Jean François t’ap pote yon ti bebe nan vant li ki jwenn chans sòti vivan.
Akoz zak kriminèl sa, popilasyon an leve kanpe, bloke lari, machin pa monte machin pa desann, nan lide pou pase fristrasyon yo.
Fas a zak ensekirite k’ap taye banda anndan peyi a, popilasyon an livre a li menm kote otorite yo fè yon silans ki parèt konplis.
Jeff Jean Joseph
