Lang Holland, yon chèf polis nan Arkansas, nan sid peyi Lèzetazini, oblije remèt demisyon l aprè l te mande sou rezo sosyal yo pou touye demokrat ki ”trèt” yo, nan moman Joe Biden pote viktwa nan eleksyon prezidansyèl la.
”Pa janm bliye yo (demokrat) se trèt epi yo pa gen okenn dwa pou viv nan Repiblik sa aprè sa yo fè”, se mesaj polisye a te ekri sou Parler, yon rezo sosyal ekstrèm dwat amerikèn.
”Touye tout demokrat ki marxis yo, pa mete yo nan prizon, touye tout san kite youn dèyè”.
Mesaj sila yo ke yo te kaptire ekran sou rezo sosyal yo, te efase kèk tan aprè ayè lendi a. Vizaj kèk demokrat tankou Hillary Clinton, ak Barack Obama, te pibliye, kote otè mesaj la, chèf polis la te mande pann epi rache yo.
Lang Holland demisyone pandan wikenn nan aprè mesaj vyolans li yo te fè anpil tole sou rezo sosyal yo.
Pooshy Rosana
