Konsèy Nasyonal Telekominikasyon (CONATEL), mande tout moun k ap achte yon kat SIM, pou idantifye tèt yo apati madi 3 novanm 2020 an, epi lanse yon lanse yon aplikasyon k ap pèmèt yo dechifre divès done Kat idantifikasyon nasyonal inik (CINU) achtè a.
Jean Marie Guillaume, direktè jeneral CONATEL fè konnen desizyon sila rantre nan kad lit Leta ayisyen ap mennen pou kwape ensekirite a.
Vandredi pase, direktè jeneral Jean Marie Guillaume te deja anonse responsab CONATEL yo nan tèt kole ak divès operatè telefonik te mete kanpe yon ansanm kondisyon ak prensip aplikasyon. Chak konpayi ap gen pou kreye pwòp aplikasyon nan respè fòmalite yo, men pou menm itilite a.
Aplikasyon an ap gennm kapasite pou fè foto pyès idantite achtè a pou dechifre done yo otomatik epi voye l bay operatè a. Se aprè konpayi telefonik konsène a valide CINU kliyan l ap gen dwa ak kat SIM nan, daprè CONATEL.
Enstitisyon telekominikasyon an te fè konnen ap genyen gwo sanksyon ki rezève kont nenpòt operatè ki vann yon SIM san l pa idantifye achtè a.
»Enspektè CONATEL yo ap tout kote pou kontwole desizyon sila », daprè Jean Marie Guillaume.
Pooshy Rosana
