Nan yon avi, Bank Repiblik Dayiti (BRH) anonse li enjekte 12 milyon dola ameriken sou mache a, epi fikse nan dat 28 oktòb 2020 an, divès kondisyon bank komèsyal ak ajan chanj yo ap gen aksè ak fon sila.
Toujou nan kad operasyon sila, Bank santral bay bank komèsyal ak ajan chanj yo divès obligasyon pou yo respekte divès prensip tankou ”to vant BRH la ki 62 goud pou yon dola, entèmedyè yo dwe pran angajman pou revann dola ak yon to ki pa depase 62,500.00 pou yon dola, epi pou fini soumèt bay Bank Repiblik Dayiti divès enfòmasyon sou vant yo ak ki kote yo fèt.
Divès bank tankou Unibank ap jwenn yon alokasyon 2 milyon 125, Sogebank (2 milyon 110 mil), BNC (2 milyon 95 mil), Capital Bank (2 milyon 90 mil),BUH (2 milyon 80 mil), BPH (500 mil), Sogebel (500 mil), City Bank (500 mil), daprè nòt la, ki presize montan yo bay antrepriz sila yo pa dwe depase 150 mil dola.
Gouvènè Bank santral la, Jean Baden Dubois, fè konnen desizyon sila ap pèmèt goud la repran valè pa rapò ak dola ameriken an.
Pooshy Rosana
