Prezidan peyi Latiki a Recep Tayyip Erdogan mande pèp li a bòykote pwodui fransè yo lendi a, kèk jou aprè prezidan Emmanuel Macron te fè konnen Lafrans pa p renonse ak karikati kont mizilman yo.
”Menm jan nan peyi Lafrans kèk moun ap di pinga pyès moun achte pwodui peyi Tiko yo, m ap adrese m ak nasyon m nan: pa bay pwodui fransè yo pyès valè, pa achte yo”, se deklarasyon Prezidan Erdogan pandan yon diskou nan kapital la Ankara. Li fè apèl sila aprè plizyè lòt peyi tankou Kata, Kowet ak Jòdani, te bay menm lòd la.
Chèf leta tik la mande pou fini, pou Inyon ewopeyèn lan sispann kanpay èn Macron ap mennen kont kominote mizilmàn lan sou teritwa fransè a ak nan Ewop la.
Si dispozitif peyi Latiki a aplike, l’ap reprezante yon gwo risk pou Lafrans. Nan lane 2019, ekspòtasyon Lafrans yo nan peyi Latiki te reprezante 5,9 milya ewo.
Pooshy Rosana
