Anthony Ray Hilton pase 30 lane nan koulwa lanmò nan Alabama paske l se yon ”nwa epi l pòv”. Aprè yo deklare l inosan, li deside milite pou yon jistis ekitab nan peyi Lèzetazini, epi mande pou Ameriken yo pa vote Donald Trump 3 novanm nan eleksyon yo.
Afwo-ameriken 64 lane a, te jwenn arestasyon l nan lane 1985 alòske te genyen 29 lane. Lajistis te akize l touye 2 anplwaye yon restoran pandan 2 vòl ak zam nan Birmingham, pi gwo vil Alabama. Bal yo te jwenn sou youn nan sèn krim yo, te sanble koresponn ak yo zam manman l.
”Nan yon mo, Eta Alabama kidnape”, se deklarasyon Anthony Ray, ki fe konnen, ” Nan Amerik la, sistèm nan kapab fè sa l vle avè w depi fèt Nwa epi w pòv”.
Se avèk èd avoka epi fondatè òganizasyon Equal Justice Initiative (EJI) Bryan Stevenson, dosye a te kòmanse pran chimen verite nan lane 1999. Aprè anpil lane Anthony Ray Hilton pase nan prizon anba menas ekzekisyon, li te jwenn liberasyon 3 avril 2015 pase.
Pooshy Rosana
