Yon kamyon ki asire transpò Senlwi dinò (depatman Nòdwès)- Pòtoprens chavire nan savàn dezole (depatman Latibonit), espesyalman nan zòn konpayi Ti Malis (sid Gonayiv), daprè enfòmasyon ki rive jwenn Haïti News.
Daprè kèk temwen, plizyè pasaje ki t’ap vwayaje nan kamyon twouve yo nan gwo difikilte. “Moun yo bezwen anbilans. Yo nan difikilte zòn Ti Malis”, se sa yon sitwayen alète ki pa an mezi pou l revele si genyen moun ki pèdi lavi yo.
Aksidan siklasyon pa sispann pote lavi anpil stwayen ale anba tè. Soti 12 pou rive 18 oktòb pase, òganizasyon Stop Accidents rapòte genyen yon total 26 aksidan ki pwodui nan tout peyi a, ladan yo 59 moun viktim.
Wilner Jean
