« Ou mande telefòn m ba ou l , ou mande m Laptop m ba ou l, ou mande m machin m ba ou l, ou mande m lajan m ba ou l, lè m avè w ou pa vle anbrase m » se kèk pawòl Roody Roodboy ap chante nan nouvo mizik videyoklipe li an ki titre « Mimi Miaw ».
Yon tit ki mete anpil reyaksyon sou rezo sosyo yo. Menm si kèk moun deja konsidere mizik sa pou yon hit , men gen lòt moun ki fè konnen atis “tranble” an paka ap trete medam yo chat.
«Mimi Miaw » ki soti depi yon jou gentan antenn plis pase 300 000 views sou Youtube. Fanatik Roody yo ka kontinye apresye l’ ki disponib sou tout platfòm streaming yo.
Angy Desravines
