Se nan yon konferans pou laprès jodi 21 oktòb 2020 an nan espas El Rancho komite oganizatè Ayiti Mizik Festival lan anonse 4yèm edisyon festival sila ap gen pou reyalize nan dat 2 janvye 2021 nan Henfraza.

Plizyè jounalis ak medya te prezan nan sans sa pou poze divès kesyon ak responsab yo. Akinson Belizaire plis moun konnen sou non Zagalo fè konnen Ayiti Mizik Festival se yon espas ki louvri pou tout Jazz ak atis depi pèfòmans lan reyèl.

Komite festival la deja pwomèt y’ap prepare tou yon fason pou gen bon jan mezi sekirite anndan festival la, lapolis epi sekirite ki nan espas Henfraza ap nan ekip pou jere sekirite moun k ap vinn pran plezi yo.

Yon lòt rankont ap gen pou fèt ak manm laprès yo pa twò lontan pou yo kapab gen yon ide sou kijan pwogramasyon festival la ap gen pou dewoule pou katriyèm edisyon an.

Angy Desravines