Katriyèm edisyon konpetisyon « Top Face Clegg » kontinye ap pouswiv chimen l. Chak ane Clegg ap chache yon fanm oubyen yon gason ki gen leadership lakay li epi ki renmen mòd pou reprezante imaj antrepriz la.
Yon konkou ki òganize selman an liy depi nan lane 2017 , fondatris lan Macdieunette ak tout ekip li vle ofri kèk opòtine ak jèn ki patisipe yo. Daprè fondatris la konkou an ap pèmèt yo devlope konpetans yo nan street marketing ak community management. Se vòt sou sit Clegg ak kèk lòt platfòm ki ap pèmèt yo jwenn gayan an.
Nan manm jiri an gen pèsonalite etranje ak ayisyen ki se pwofesyonèl nan domèn yo pami yo Steeve Azor, Direktè Haiti Fashion Week, Chantal Laroche, kreyatris epi Dayana Mercier, animatris ak chantez.
N’ap raple se sèlman 20 kandida yo te kenbe nan faz preseleksyon konpetisyon an. Piblik la ka monte sou platfòm Clegg yo pou al vote pou Kandida yo ta swete ki rive pi lwen an.
Angy Desravines
