Aprè federasyon plizyè gwoup gang sou non «G9 en famille», Òganizasyon Nasyonzini (ONU), nan yon rapò, di l konstate gen plis zak kidnapping ki fèt nan peyi a, espesyalman nan zòn metwopolitèn yo.
«Zak anlèvman yo te bese nan yon mwayèn mansyèl 3,5. Pou mwa jiyè a, li grenpe nan mwayèn 19. Bandi yo te kidnape 32 moun, pami yo 9 fanm ak 3 timoun, kont 25 (7 fanm ak 7 timoun), pandan 3 dènye mwa yo. Sa bay yon ogmantasyon 28%», daprè endikasyon rapò a.
Yon lòt bò, daprè Antonio Guterres, sekretè jeneral ONU an, avèk ranfòsman kontwòl federasyon gang yo (G9 en famille), kantite omosid volontè yo bese nan yon pousantaj 12%, sa vle di genyen 328 moun ki viktim, pami yo 24 fanm ak 9 timoun, kont 373 (9 fanm ak 12 timoun), sòti 1er jiyè pou rive 31 dawout 2020.
Toujou daprè presizyon #1 ONU an, 74% ka sa yo anrejistre nan depatman Lwès peyi a ki genyen 35% popilasyon an k ap viv ladan l.
Wilner Jean
