Delta ki dwe frape nan kèk tan ankò peyi Meksik pèdi fòs epi tounen nan ka 3 sou echèl 5, men li toujou reprezante yon danje.
Daprè sant nasyonal ameriken ouragan yo (NHC), ki chita kò l nan Miami, ouragan Delta anrejistre gwo van ki ale jiska 195 kilomèt lè epi twouve l ak 120 kilomèt sidès zile meksikèn Cozumel, sou kot peyi a.
Delta k ap deplase ak yon vitès 26 kilomèt lè dwe rive atè mèkredi maten an. Otorite yo deja evakye san pran tan kèk 41 mil touris ki twouve nan Eta Quintana Roo (sid), daprè gouvènè eta sila, Carlos Joaquin, nan yon mesaj televize.
Pooshy Rosana
