Yon ayisyen 51 lane plede koupab semèn sa pou zam ilegal lap voye nan peyi Dayiti (trafik zam). Jacques Mathieu k ap viv nan Tuker (Eta Jewòji Ozetazini) t ap eseye fè pase nan kontrebann yon douzèn zam a fe ak prèske 36 mil katouch pou voye Ayiti.
Jacques Mathieu te sere plizyè zam ak katouch nan yon machin Suzuki Grand Vitara 2007. Nan mwa septanm lane 2019 koupab la te eseye voye zam ak minisyon yo nan peyi Dayiti depi pò West Palm Beach aprè l te fè konnen nan dokiman ekspòtasyon yo ke machin nan te genyen sèlman rad pèpè, daprè otorite amerikèn yo nan Jewòji.
Jacques Mathieu ap konnen desizyon lajistis nan kòmansman ane a, nan dat 8 janvye 2021.
Pooshy Rosana
