Konsèy Siperyè Pouvwa Jidisyè (CSPJ), pa sètifye plizyè majistra aprè egzamen dosye yo. Pami pwoblèm ki parèt nan pwosesis sètifikasyon an, gen ka ki gen rapò ak fo diplòm Bak II. Sou 159 dosye majistra Komisyon Teknik Sètifikasyon CSPJ a egzamine, 119 jwenn sètifikasyon, pandan 17 pa sètifye. Lòt dosye yo toujou mande plis verifikasyon. Nan youn nan dosye yo, Komisyon Teknik Sètifikasyon an fè referans ak yon fo diplòm bak II, sa yo konsidere kòm fo nan kad verifikasyon dosye magistra a.
Ka sa yo soulve kesyon sou validite kèk dokiman akademik ak sou pwosesis verifikasyon kalifikasyon moun k ap egzèse gwo responsablite nan sistèm jidisyè ayisyen an.
