Yon videyo k ap sikile anpil sou rezo sosyal yo depi dimanch 13 septanm 2026 montre 2 timoun, yon tifi ak yon tigason, mare sou yon kabann pandan yon fanm ap bat yo. Timoun yo rele fanm nan « manman », men pa gen anyen ki konfime si se manman yo vre. Fanm nan fè anpil menas epi li mande papa timoun yo vin chèche yo. Sepandan, sikonstans ki te mennen nan sèn sa a ansanm ak idantite moun ki ladan l yo poko klè.
Videyo a pwovoke gwo reyaksyon sou rezo sosyal yo. Plizyè moun mande otorite yo idantifye timoun yo ak fanm nan, verifye sa ki pase a epi pran mezi ki nesesè pou pwoteje timoun yo.
