Biwo Ofis Pwoteksyon Sitwayen salye relansman sesyon asiz kriminèl yo nan Pòtoprens. OPC konsidere sa kòm yon gran pa pou ede relanse sistèm jidisyè a ki te bloke akoz ensekirite ak mank fonksyònman enstitisyon Leta yo. Selon OPC, asiz kriminèl yo pral ede anpil nan diminye kantite moun ki nan prizon san yo pa janm jije pandan l di yo pa dwe twò prese ak dosye yo tou pou jistis la pa konpwomèt.
OPC mande pou responsab jidisyè yo respekte tout prensip yo pandan y ap rann yon seri jijman ki jis kote dwa tout moun ap respekte.
