Yon nouvo pwogram alfabetizasyon lanse nan peyi d Ayiti pou aprann moun li ak ekri pandan y ap devlope yon metye osinon yon aktivite ki ka rapòte lajan. Gen plizyè ministè k ap kolabore pou reyisit pwogram sa a. Moun ki pa konn li ak ekri ki gen ant 15 pou rive 70 zan kapab patisipe nan pwogram alfabetizasyon sila a nan kad Objektif Devlopman Dirab (ODD) Nasyon Zini pou 2030.
Patisipan yo ap resevwa fòmasyon sou prevansyon sante, premye swen, pwomosyon biznis sou telefòn ansanm ak jesyon epi transfòmasyon fatra.
