Gerto Cadet, ajan UDMO ki fè pati 23e pwomosyon Polis Nasyonal la mouri asasinen ak bal lakay li nan komin Kafou, nan Mawotyè 85. Se Sendika Nasyonal Polisye Ayisyen yo ki konfime nouvèl sa a. Aprè yo fin touye polisye a, yo rache kadav li epi mete dife sou li. Dram sa a rive jedi 22 fevriye a nan laprè midi. Gerto Cadet se youn nan polisye ki t ap fè rezistans ak bandi yo Kafou.
Yon lòt krim SYNAPOHA denonse kote li di nan ret tann fòs miltinasyonal, gouvènman an fin lage polisye yo bay bandi. N ap fè remake pandan atak sa a, manman polisye sòti blese.
