Michael Karl Geilenfeld anba kòd nan vil Denver nan peyi Etazini depi samdi 20 janvye pase a. Misye akize kòm moun ki konn ap fè bagay ak ti gason nan yon òfelina li genyen nan peyi d Ayiti. Michael gen 71 lane sou tèt li, li riske pase 30 lane dèyè bawo pou krim sa yo. Òfelina li a rele “Foyer pour garçons St Joseph” e se Pòtoprens li ye. Yo te arete Michael nan peyi d Ayiti pou zafè sa a deja men gen yon jij ki te rejte dosye a poutèt pat gen viktim ki te deside temwanye kont li.
Se yon jij Federal ki arete misye nan Ayewopò Entènasyonal Miami an pandan l t ap sòti an Ayiti. Menm ameriken konn ap denonse nonm sa a kòm yon gwo pedofil. Se pa de ti gason Michael anfrajele nan peyi a.
