Ayè madi 12 desanm 2023 a, 2 sitwayen pran bal nan Maryani pandan batay ki genyen ant bandi ak Lapolis nan zòn sa a. Yo jwenn kadav moun sa yo tou prè “Bèl paking” daprè detay nou jwenn. An menm tan, gen yon lòt jenn gason ki pran bal nan blòk Paloma nan riyèl Mi Casa. Depi yè madi a, nou aprann Lapolis ranfòse prezans li nan komin Gresye ak nan zòn Maryani pou kapab kontinye ak operasyon yo.
Depi 1e novanm 2023, bandi k ap opere anba towo ki rele Bout Ba a ap simen latwoublay nan zòn sa yo e bloke anplis tout aksè ak rès komin yo e menm depatman ki twouve yo nan Gransid la.
