Ibrahim Traoré, jèn revolisyonè nan Burkina Faso pase men nan konstitisyon peyi a e desann lang fransè a nan nivo “lang travay”. Se lang nasyonal yo ki kenbe kòm lang ofisyèl peyi Thomas Sankara a. Revizyon konstitisyonèl sila a adopte 6 desanm ki sot pase a e li ranfòse tou kapasite Ajans Nasyonal Ransèyman peyi sa a. Sofke pwojè a poko pase devan Palman Burkinabè a.
N ap raple depi aprè koudeta a, Ibrahim Traoré ak gouvènman tranzisyon li an ekate peyi Burkina Faso sou Lafrans e antre nan blòk Larisi a. Se yon desizyon ki soulve gwo deba nan medya fransè yo.
