Daprè Direktè Egzekitif RNDDH la, n ap pale de Pierre Espérance, Vitelòm ak Direktè Jeneral PNH la se kòkòt ak figawo. Vitelòm gen machin ofisyèl nan men l, li gen plak Sèvis Leta nan men l e li gen yon machin Lapolis nan men l. Vitelòm ale kote l vle nan vil la toujou selon Pierre Espérance e se paske l gen benediksyon Frantz Elbé ki lakoz li alèz konsa.
“Tout moun ki nan Leta Vitelòm atake nan Taba oubyen Tòsèl, se paske yo pat kenbe mo yo ak chèf gang Kraze Baryè a”, pou n kontinye site Pierre Espérance ki te sou RTVC.
