“Chèf gang kraze baryè a, Vithel’homme Innocent gen bon jan rapò ak Direktè Jeneral Lapolis la, Frantz Elbé”. Se sa Pierre Espérance kontinye kenbe kòm akizasyon. Nan jounal Premye Okazyon, DG PNH la reponn lidè RNDDH la pou l di se manti, menm konnen l pa konn chèf gang nan e l pa janm rankontre moun konsa. Frantz Elbé pèsiste pou l di se manti Pierre Espérance ap fè.
N ap raple ni RNDDH ni FJKL, tou 2 òganizasyon dwa moun sa yo sòti rapò pou pale de relasyon chèf polis la ak chèf gang “Kraze baryè” a. Yon seri nouvèl ki fè tout moun sispèk sitou pou nivo pouvwa chèf gang sa a genyen nan Plèn nan.
