Tout moun ki ta dwe sòti Pòtoprens pou ale nan kèlkeswa vil pwovens lan, si w pa gen lajan meriken pou pran avyon, ou oblije ret chita paske gen anpil risk pou pèdi lavi w anba men zèfèyis yo. Gen yon ti sanzave ki rele “Bout ba”, se sèl kòk chante nan Maryani dènye tan sa yo akoz zak l ap fè. Kounye a li trè difisil pou yon moun ale nan Gran Sid peyi a san bliye Gran Nò.
Lapolis san fòs, entènasyonal la ap pase n nan rizib alòske yo kontribye nan mete n kote ye la a. Pandan tan sa a, gen yon Ariel Henry ki kanpe an “dekilakyèl” k ap fè koze nan tèt Leta a ak tout akolit li yo.
