Plis pase 9 moun mouri, san konte divès lòt ki rete kwense anba yon mi ki fin tonbe sou vyadik 27 Febrero ak Maximo Goméz la. Bilan sa yo rete nan yon faz pwovizwa daprè otorite yo an Repiblik Dominikèn. Gwo lapli k ap tonbe lakay vwazen lakoz 21 moun deja pedi vi yo. Gouvènman an te lanse alèt wouj sou anviwon 13 pwovens nan peyi a, alèt jòn sou 12 lòt epi vèt sou 5. Gen anpil dega materyèl ki anrejistre akoz entanperi sa a.
Se pliske 10 anbilans ki te sou plas pou pote konkou bay viktim yo lakay vwazen. Gen divès videyo k ap sikile sou rezo yo ki montre nan ki nivo dlo yo monte nan divès kwen kote ki afekte yo.
