Tiki, Brezil ak Lachin se 3 peyi sa yo Ayiti genyen kòm patnè komèsyal k ap founi l machandiz. Brezil ap vann Ayiti bwa, Lachin ap voye materyèl elektrik epi Tiki ap vann nou Siman. Sa lage gwo plenyen lakay vwazen kote Amado Gutierez prezidan Federasyon Kamyonè Dominiken, fè konnen mache dominiken an pran yon gwo frap. Li mande ak Luis Abinader pou l dyaloge ak ayisyen yo pou Sendomeng pa pèdi mache Ayiti a.
Wi. Desizyon gwo ponyèt Luis Abinader pran kont Ayiti a gen gwo konsekans sou ekonomi dominiken an e li menm riske fè enpak sou eleksyon misye pou lane 2024 la. Kòmèsan dominiken yo gen gwo presyon sou do yo anba men Labank.
