Robens Cezar, se yon gason ayisyen ki vide bal sou yon ansyen mennaj li jouk li touye l jounen mèkredi 8 novanm nan. Fi a rele Fidlène Daniel e dram nan pase nan Boyton Beach Florida. Fidlène te fin mennen yon pitit fi l lekòl ki gen 16 lane daprè sa nou aprann e li te dekouvri Robens t ap mache dèyè l. Aprè l fin depoze yon plent kont misye nan yon pòs polis, asasen an al tann fi a nan lakou lakay li epi li touye l.
Lapolis ta pral arete Robens Cezar kèk tan aprè. Yon lòt krim ki vin agrandi lis fanm k ap viktim vyolans tout kalte anba men gason. Poukisa misye touye fi a? Lajistis gen pou eklèsi sa.
